Ástkær eiginkona mín, móðir okkar, tengdamóðir, amma og langamma.
Lést á líknardeild Landspítalans í Kópavogi föstudaginn 11.
ágúst.

Útför fer fram frá Fríkirkjunni í Hafnarfirði mánudaginn 21. ágúst kl: 15.

Aðalsteina Erla Laxdal Gísladóttir fædd­ist 5. janúar 1946 í Reykjavík og lést í Reykjavík 11. ág­úst. For­eldr­ar henn­ar voru Anna Magnúsdóttir og Gísli Pétur Jóhannsson. Hún var elst af 11 systkinum, en þau eru í aldursröð: Ágústa, Guðfinna, Guðbjartur, Jens, Þóra, Magnús, Guðbjörg, Sigurpáll, Hans og Anna. Eig­inmaður Erlu er Ársæll Kristófer Ársælsson, f. í Hafnarfirði 1942. For­eldr­ar hans voru Ársæll Kristófer Jónsson og Jóhanna Guðmundsdóttir.
Erla og Ársæll kvæntust í Fríkirkjunni 13. september 1964.

Þau eiga 3 börn, Sigurbjörgu Önnu, f. 1964, Ársæl Kristófer, f. 1965 og Magnús Þór, f. 1976.
Sigurbjörg á 4 börn, Erlu Maríu, f. 1983, Einar Má, f. 1987, Alexöndru Evu, f. 1994 og Matthías Kristófer f. 1998.  Barnabörn Sigurbjargar, börn Erlu Maríu eru, Marín Mist f. 2012, Arna Hrönn f. 2014 og Kári f. 2019. Maki Erlu er Kristinn Rudolfsson. Einar Már og maki hans, Karolina Kruglińska eiga von á sínu fyrsta barni síðar á árinu.
Ársæll Kristófer á 4 börn, Ársæl Kristófer f. 1992, Kristján, f.1994, Orra Leif, f. 2009 og Ástu Lovísu f. 2012. Maki Ársæls er Lovísa Leifsdóttir. Einnig ól Ársæll, að hluta til, upp Eðvarð Þór Helgason f. 1987. Barnabarn Ársæls, barn Kristjáns er Júlía Jökla f. 2021. Maki Kristjáns er Fríða Marý Halldórsdóttir. Barn Eðvars er Ísabella f. 2016.
Magnús Þór á tvíburana, Sigríði Sumarrós og Jóhönnu Júlírós, f. 2011. Maki Magnúsar er Agnes Konráðsdóttir.

Erla ólst upp hjá ömmu sinni, Aðalheiði Maríu Jónsdóttur í Höfðaborg í Reykjavík. Þar átti hún heima ásamt móðursystkinunum hennar, Margréti, Elsu, Guðbjarti, Guðmundi og Guðnýju ásamt Unni frænku sinni. Erla leit alltaf á þær Guðnýju og Unni sem systur sínar. Auk hemilsins hjá Öllu ömmu sinni, þá átti Erla öruggan samastað hjá móður sinni á Selhóli, Hellissandi. Þrátt fyrir að mörg væru börnin á Selhólnum, sá Sigurbjörn Hansson, maður Önnu til þess að Erla væri ávallt velkomin þangað heim og Siggi varð síðan afbragðsgóður afi barna hennar.
Erla og Ársæll bjuggu í Hafnarfirði fram til ársins 1978 en þá fluttu þau til Svíþjóðar þar sem þau bjuggu i þrjú ár. Árið 1981 fluttu þau aftur til Íslands og þá til Hellissands. Fljótlega eftir að þau komu þangað keyptu þau húsið Laufás, sem þau stækkuðu og gerðu að einstaklega fallegu heimili. Laufásinn var sérstaklega fallegur í kringum jól, enda lögðu þau hjónin metnað sinn í að skreyta húsið. Nokkrum sinnum var fjallað um vel skreytt húsið i blöðunum. Erla og Ársæll bjuggu á Laufási í um það bil 40 ár.


Erla var alla tíð dugnaðarforkur i vinnu, starfaði víða og oft i tveimur ef ekki þremur störfum samtímis. Þá var hún virkur þátttakandi í félags- og stéttarfélagsmálum. Var t.d. formaður kvenfélagsins á Hellissandi um tíma og starfaði í slysavarnardeildinni Helga Bárðardóttir. Þá fannst henni almennt gaman að "lenda í nefnd" og var ófeimin við að segja sína skoðun, óháð því hvort aðrir væru sammála henni eða ekki



Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Aðalsteina Erla Laxdal Gísladóttir

Andlátstilkynning

Útför

Aðstandendur

Ertu með minningargrein?