Óli Jóhannes Sigurðsson fæddist í Ármótaseli í Jökuldalsheiði 20. september 1919. Hann lést á fjórðungssjúkrahúsinu í Neskaupstað 2. ágúst síðastliðinn. Foreldrar Óla voru Sigurður Benediktsson bóndi, f. 23. ágúst 1880, d. 28. ágúst 1928, og Ólöf Óladóttir húsfreyja, f. 17. október 1892, d. 3. janúar 1944. Þeim hjónum fæddust þrjú börn, auk Óla; Benedikt, f. 14. apríl 1918, Ingibjörg, f. 14. apríl 1921, d. 4. mars. 1922, og Baldur, f. 22. maí 1923. Þau Sigurður og Ólöf bjuggu á nokkrum stöðum á Jökuldal, þ.e. Hofteigi, Ármótaseli, Fossgerði, Grund og síðast á Aðalbóli en Sigurður lést þegar Óli var einungis níu ára gamall. Ólöf bjó eftir það nokkur ár á Aðalbóli, ásamt Hallgrími Benjamínssyni, en flutti til Seyðisfjarðar árið 1935. Óli fór þá í Merki á Jökuldal til föðurbróður síns, Stefáns Benediktssonar, þar sem hann hafði fastan samastað næstu árin.

Árið 1957 trúlofaðist Óli Guðnýju Guðmundsdóttur frá Hauksstöðum á Jökuldal og hófu þau búskap þar sama ár. Óli og Guðný áttu sex börn; Guðmundur, Ólöf, Heimir, Snæbjörn Valur, Svanfríður Drífa og Þórunn Hrund.

Óli gekk í bændaskólann á Hólum og útskrifaðist þaðan búfræðingur árið 1941. Hann vann ýmis störf áður en hann gerðist bóndi á Hauksstöðum s.s. við byggingarvinnu í Reykjavík, farkennslu í Jökuldalshreppi og ýtuvinnu á ýmsum stöðum auk þess sem hann fór á síldarvertíðir eftir að hann fór að búa á Hauksstöðum.

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Óli Jóhannes Sigurðsson

Útför

Ertu með minningargrein?