Bolli Þórir Gústavsson fæddist á Akureyri. Foreldrar hans voru Hlín Jónsdóttir húsmóðir og Gústav Berg Jónasson rafvirkjameistari. Systir hans er Ingibjörg Gústavsdóttir sjúkraliði. Bolli var kvæntur Matthildi Jónsdóttir hárgreiðslumeistari frá Reykjavík. Foreldrar hennar voru Jón Friðrik Matthiasson og Jónína Jóhannesdóttir. Matthildur og Bolli eignuðust sex börn og þau eru Hlín, Jóna Hrönn, Gústav Geir, Gerður, Bolli Pétur og Hildur Eir. Bolli var sóknarprestur í Hrísey og Laufási við Eyjafjörð. Síðustu árin í starfi var Bolli vígslubiskup á Hólum í Hjaltadal. Bolli skrifaði bækur og teiknaði mikið m.a platta. Hann var einnig formaður listamannalauna í nokkur ár og skrifaði pistla og leiklistagagnrýni  fyrir Morgunblaðið. 

[DEFAULT]

Bolli Gústavsson (17. nóvember 1935 – 27. mars 2008) var sóknarprestur í Hrísey og Laufási, og vígslubiskup á Hólum í Hjaltadal frá 1991 til 2002.

Bolli fæddist á Akureyri. Foreldrar hans voru hjónin Gústav Elís Berg Jónasson (1911–1990) rafvirkjameistari og Hlín Jónsdóttir (1911–1973) húsfreyja.

Bolli lauk guðfræðiprófi frá Háskóla Íslands 1963 og vígðist sama ár sóknarprestur í Hrísey. Hann var skipaður sóknarprestur í Laufási 1966 og gegndi því embætti til 1991, þegar hann varð vígslubiskup á Hólum. Árið 2002 lét hann af embætti vígslubiskups vegna heilsubrests.

Bolli var um tíma formaður Æskulýðssambands kirkjunnar í Hólastifti, og Prestafélags hins forna Hólastiftis. Hann var einnig formaður Hólanefndar 1991-2002. Þá var hann formaður úthlutunarnefndar listamannalauna um árabil.

Eftir að Bolli tók við embætti vígslubiskups beitti hann sér fyrir byggingu Auðunarstofu hinnar nýju á Hólum. Húsið nýtist sem fræði- og fundaraðstaða. Með hans milligöngu fékkst faglegur og fjárhagslegur stuðningur norskra aðila við verkið.

Kona Bolla var Matthildur Jónsdóttir (f. 1936) hárgreiðslumeistari. Þau eignuðust 6 börn.

Bolli var kunnur fyrir ritstörf, bæði fyrir blöð og tímarit, og tók saman dagskrár um skáld og skáldskap til útvarpsflutnings. Hann ritstýrði tímaritinu Heima er best um tveggja ára skeið.

Bolli Gústavsson: Fjögur skáld í för með presti. Bragi Sigurjónsson, Hjörtur Pálsson, Heiðrekur Guðmundsson, Kristján frá Djúpalæk. Skjaldborg, Akureyri 1978.

Bolli Gústavsson: Ýmsar verða ævirnar. Skjaldborg, Akureyri 1980. Æviþættir

Bolli Gústavsson: Vorganga í vindhæringi. Á mótum ljóðs og sögu. Almenna bókafélagið, Rvík 1982. Verðlaunabók á 25 ára afmæli AB.

Bolli Gústavsson: Litið út um ljóra - þættir. Skjaldborg, Akureyri 1985.

Bolli Gústavsson: Borðnautar - ljóð. Menningarsjóður, Rvík 1986. Hringur Jóhannesson myndskreytti.

Björn Halldórsson í Laufási: Ljóðmæli. Skálholt, Rvík 1994. Bolli Gústavsson annaðist útgáfuna og ritaði inngang: 'Upprisuskáld'.

Bolli Gústavsson: Lífið sækir fram. Skálholtsútgáfan, Rvík 2007. Predikanir og ljóð. Bókin var gefin út að frumkvæði fjölskyldu Bolla.

Bolli var góður teiknari og myndskreytti bækur, bæði eigin og annarra. Einnig hélt hann sýningar á teikningum sínum.

Minningarsíður

Nýleg andlát

Útfarir

Hlaðvarp

Þjónustusíða

Fræðsluefni

Bolli Þórir Gustavsson

Útför

Bolli Gústavsson-Wikipedia